ହିଲ୍ ଷ୍ଟେସନ ଯିବାକୁ ପ୍ଲାନ୍ କରୁଛନ୍ତି କି…? ତେବେ ଆପଣ ଏହି ଟିପ୍ସ ଉପରେ ନିଶ୍ଚୟ ନଜର ପକାନ୍ତୁ
ଯେତେବେଳେ ପିକ୍ନିକ୍ କଥା ଉଠେ, ସେତେବେଳେ ଲୋକଙ୍କ ପ୍ରଥମ ପସନ୍ଦ ହେଉଛି ପାହାଡ଼ିଆ ଅଞ୍ଚଳ ବା ହିଲ୍ ଷ୍ଟେସନ୍ | ସେଠାରେ ଥିବା ସବୁଜତା, ପାଣିପାଗ ଏବଂ ଶାନ୍ତି ଲୋକଙ୍କୁ ଆକର୍ଷିତ କରିଥାଏ। ବିଶେଷକରି ତୁଷାରପାତ ସମୟରେ ଏହି ସ୍ଥାନ ଗୁଡିକର ସୌନ୍ଦର୍ଯ୍ୟ ଦୁଇ ଗୁଣ ହୋଇଯାଏ। ସେଥିପାଇଁ ତ କଶ୍ମୀର ଓ ମନାଲି ଭଳି ପାହାଡିଆ ସ୍ଥାନକୁ ଲୋକେ ବାଛନ୍ତି। ତେବେ ଏସବୁ ସ୍ଥାନକୁ ଯିବା ଯେତିକି ଆନନ୍ଦଦାୟକ ସେତିକି ବିପଦପୂର୍ଣ୍ଣ ମଧ୍ୟ..। ଏଥିପ୍ରତି ସଜାଗ ରହିବା ଏବଂ ପୂର୍ବ ପ୍ରସ୍ତୁତି କରିବା ନିତ୍ୟାନ୍ତ ଆବଶ୍ୟକ।
ହିଲ୍ ଷ୍ଟେସନକୁ ଯିବା ପୂର୍ବରୁ ଲୋକଙ୍କ ମନରେ ଅନେକ ପ୍ରଶ୍ନ ଥାଏ। ସାଙ୍ଗରରେ କ’ଣ ନେଇକି ଯିବେ? କିପରି ଯିବେ ? ସେଠାରେ ପହଞ୍ଚିଲା ପରେ ରହିବେ କେଉଁଠି ? ହୋଟେଲ ରୁମ୍ ମଳିବ ନା ଟେଣ୍ଡ ତଳେ ରାତ୍ରି ଯାପନ କରିବାକୁ ପଡିବ। ଅନେକ ଲୋକ ଅଛନ୍ତି ଯେଉଁମାନେ ହିଲ୍ ଷ୍ଟେସନ ଯାତ୍ରା କରିବାରେ ମୁଣ୍ଡ ବୁଲଇବା ବା ବାନ୍ତି କରିବା ଭଳି ସମସ୍ୟା ସାମ୍ନା କରନ୍ତି। ତେବେ ଏସବୁ ସମସ୍ୟାର ସମାଧାନ ପାଇଁ ପିକ୍ନିକ୍ ପୂର୍ବରୁ କିଛି ଟିପ୍ସ ବିଷୟରେ ଜାଣିବା ଅତ୍ୟନ୍ତ ଜରୁରୀ …
ହିଲ୍ ଷ୍ଟେସନକୁ ଯାତ୍ରା ବେଳେ ଏହି ଦିଗ ପ୍ରତି ଧ୍ୟାନ ଦିଅନ୍ତୁ
ସହର ଭଳି ହିଲ୍ ଷ୍ଟେସନରେ ସବୁ ସ୍ଥାନକୁ ଯିବା ପାଇଁ ଯାନବାହାନର ସୁବିଧା ନଥାଏ। ଯଦି ଆପଣ ଏକ ହିଲ ଷ୍ଟେସନକୁ ଯିବାକୁ ପ୍ଲାନ କରୁଛନ୍ତି, ତେବେ ନିଜକୁ ମାନସିକ ଏବଂ ଶାରୀରିକ ଭାବରେ ପ୍ରସ୍ତୁତ କରନ୍ତୁ ଯେ ଆପଣଙ୍କୁ ଅଳ୍ପ ବହୁତ ମାତ୍ରାରେ ଚାଲିବାକୁ ପଡିବ ଏବଂ ପର୍ବତ ଚଢିବାକୁ ପଡିବ।
– ଅନେକ ଲୋକ ପର୍ବତ ଉପରକୁ ଚଢିବା ସମୟରେ ଗୋଡରେ ଯନ୍ତ୍ରଣା ଅନୁଭବ କରନ୍ତି। ଏହା ଆପଣଙ୍କ ପ୍ରତି କଷ୍ଟସାଧ୍ୟ ଯେପରି ନହୁଏ ସେଥିପାଇଁ ହିଲ ଷ୍ଟେସନକୁ ଯିବା ପୂର୍ବରୁ କିଛି ଦିନ ଚାଲିବାର ଅଭ୍ୟାସ କରନ୍ତୁ। ଯାହା ଦ୍ବାରା ଆପଣ କୌଣସି ସମସ୍ୟାର ସମ୍ମୁଖୀନ ହେବେ ନାହିଁ ।
– ହିଲ୍ ଷ୍ଟେସନ ଯିବାବେଳେ ସର୍ବଦା ଆପଣଙ୍କ ସହିତ ଏକ ଛୋଟ ହ୍ୟାଣ୍ଡବ୍ୟାଗ୍ ରଖନ୍ତୁ। ଯାହାଫଳରେ ଆପଣ କୌଣସି ସ୍ଥାନକୁ ଯିବା ବେଳେ ଭାରୀ ଲଗେଜ୍ ବ୍ୟାଗ୍ ବହନ କରିବାକୁ ପଡିବ ନାହିଁ । ଆପଣ ଆବଶ୍ୟକ କରୁଥିବା ଜିନିଷଗୁଡ଼ିକୁ ଏହି ଛୋଟ ବ୍ୟାଗରେ ରଖିପାରିବେ।
– ହିଲ୍ ଷ୍ଟେସନ ଯାତ୍ରା କରିବା ସମୟରେ ସାଙ୍ଗରେ କିଛି ଆବଶ୍ୟକୀୟ ଜିନିଷ ଯେପରି ମୌଜା, ଜୋତା, ସ୍ବେଟର ଏବଂ ଔଷଧ ପାଖରେ ରଖନ୍ତୁ।
– ପର୍ବତକୁ ଯିବାବେଳେ ହିଲ୍ କିମ୍ବା ଫ୍ଲାଟ ଚପଲ ପିନ୍ଧିକି ଯିବା ଭୁଲ କରନ୍ତୁ ନାହିଁ। ପର୍ବତକୁ ଯିବା ପୂର୍ବରୁ ଭଲ ଗୁଣବତ୍ତା ଖେଳ ଜୋତା କିଣନ୍ତୁ ଏବଂ ଏହାକୁ ପିନ୍ଧିକି ଯାଆନ୍ତୁ।
– ହିଲ୍ ଷ୍ଟେସନରେ ବୁଲୁଥିବା ରାସ୍ତାରେ ଅଧିକାଂଶ ଲୋକଙ୍କୁ ବାନ୍ତି ସମସ୍ୟାର ସମ୍ମୁଖୀନ ହେବାକୁ ପଡିଥାଏ। ତେଣୁ ନିଜ ସହିତ ବାନ୍ତି ଔଷଧ ନେବାକୁ ଭୁଲନ୍ତୁ ନାହିଁ।
– ଯଦି ଆପଣ ପର୍ବତରେ ଟ୍ରେକିଂ କରିବାକୁ ଯାଉଛନ୍ତି, ତେବେ ଏକ ଭଲ କମ୍ପାନୀର ଟ୍ରେକିଂ ବ୍ୟାଗ ନିଅନ୍ତୁ। ଯାହାଫଳରେ ଜିନିଷ ବହନ କରିବା ସମୟରେ ତୁମର ପିଠି ଯନ୍ତ୍ରଣା ପାଇବ ନାହିଁ ।